Kýldur, sparkað í, hlegið að, setið á höfðinu mínu, bitinn, pissað á og þaðan að verra........þetta er nokkur atriði sem hafa komið fyrir mig undanfarna 12 mánuði og ekki hefði ég viljað neitt annað. Hún Katla mín er sem sagt orðin eins árs og blómstrar sem aldrei fyrr, snjöll, skemmtileg og ákveðin, alveg eins og mamma sín og algjört krútt eins og pabbi sinn.

Annars er voða lítið að frétta, eins og það sé furðuleg ró yfir öllu..........hmmm......

Brynhildur Ásta og Ólafur Brjann eiga von á syni síðsumars.

Fjölskyldan er flutt í hafnarfjörðin. Nýja heimilið er herfræðilega staðsett milli kirkjugarðs og klausturs. Handhægt vegna þess að maður kveður jú þetta líf einhverntímann(og þá verður maður líklega grafinn þvert á óskir mínar) og vegna þess að mig grunar að ég muni snúast til kaþólsku á efri árum eða til að vera nákvæmari einmitt þegar hún Katla mín kemst á táningsaldurinn. held að stökkið yfir verði auðvelt því ég er þegar bældur með eindæmum, frekar íhaldssamur og nota greinilega ekki getnaðarvarnir, plús þegar ég horfi út um svenherbergisgluggann blasir við þessi risa kross, gulur á lit svona til áminningar.

Ég sagði upp hjá öðru veldi. Ástæðan var óyfirstíganlegur listrænn ágreiningur.

Hverjum hefði nú dottið í hug að nafni minn Grímsson yrði sjálfkjörinn sem forseti lýðveldisins!:o

Loksins er nýtt vók komið í loftið með diggri aðstoð Brynhildar, gert í .NET ásamt smá ajaxi á nokkrum stöðum. Og eins og með öll "flókin" kerfi leynast eflaust einhverjar villur hér og þar í byrjun. Sjáum til hversu duglegir vókarar verða að tilkynna þær....

Jæja, þá er komið að færslu enda hefur sitt hvað gerst síðan síðast.

baby ó hefur staðið sig eins og hetja og dafnað ótrúlega með hjáp mömmu sinnar og er orðin 5450 gr á þyngd og 57 cm á lengd. Skrýtið hvernig áherslur og forgangsröð geta breyst hjá manni. Allt í einu eru margvísleg líkamstarfsemi barnsins orðið aðal málið og að litla hafi það sem best.
Hef því miður ekki nógu gott vald á íslensku(né öðrum tungumálum) til að lýsa hvernig það er að vera pabbi, það er einfaldlega það besta!:D:D:D:D:D

1 des var frumburðurinn skírður Katla Mist og tækifærið notað til að kvænast b í leiðinni(y)(y)
Eftir skírnar/brúðkaupsveisluna var svo barnið sent út í sveit með tengdó og við hjónin fórum heim og slökuðum á, opnaðar voru gjafir með hjálp smá cava og síðan var farið út að borða með kolla og unni. þar á eftir var síðan opið hús á efri hæðinni þar serm vinir og ættingjar söfnuðust saman og hélt fjörið áfram langt fram eftir nóttu......

(eftir að hafa lesið nokkrar andrésar andar syrpur á spítalanum eftir fæðinguna ákvað ég að lesa alvöru bók og varð villtu vinna miljarð varð fyrir valinu eftir Vikas Swarup, ekki var það til að endurnýja áhuga minn á bókum, bjóst einhvernvegin við meiru miðað við það sem maður hafði heyrt, líklega er það bara ég og minn smekkur:s Minnist nú á þetta vegna þess að þetta er fyrsta bókin sem ég les spjaldana á milli síðan í menntaskóla fyrir mörgum árum síðan.)

Árið 2007 var þegar ég lít til baka það besta hingað til og ég sem hélt að 2006 hefði verið skemmtilegt, mar er bra spenntur yfir 2008:o....

btw, þetta er síðasta færslan sem ég set inn hér, næsta verður birt í glænýju vóki, hvenær sem það verður nú....

Stúlka Ólafsdóttir fæddist 29.08.07 kl.21.06 vóg hún 1160 gr(4.5 merkur) og mældist 36 cm. á hæð. Móður og barni heilsast vel:):):)

Fleiri myndir hér

Brynhildur Ásta og Ólafur Brjann eiga von á erfingja um miðjan nóvember.

jæja, hvað hefur gerst síðan síðast:

1. b+ó trúlofaðu sig á hrekkjavöku/afmæli henni brynhildar
2. b+ó fluttum í íbúðina þegar fyrsta herbergið varð íbúðarhæft í henni, til lukku var það svefnherbergið(y), svo fengum við wc og vask tengd á jóladag og hver veit, kannski kemst sturtan í gang í dag...
3. ó maxaða visa kortið sitt í elkó af öllum stöðum við kaup á heimilistækjum
4. er með tvö vefi í vinnslu, bið fólk samt að hafa hljótt um það ef það rekst á eitthvað ferskt hérna
5. vókið varð 1000 daga gamalt og hefur það verið uppfært aðra hvora viku.... að meðaltali zko
6. ó er búinn að fá nóg af setjast upp á kalda bíla, hann vill fá bílskúrinn aftur eða hlýnandi veðurfar, veðja nú á veðrið
7. annars er allt gott að frétta, fyrir utan nýjasta æðið hjá nánustu fjölskyldu að skamma ó fyrir allt sem miður fer sem ég næ ekki alveg......en það er líklega bra ég

fannst kominn tími til að ég tileinki færslu henni brynhildi ástu minni hérna á vókinu.

ég gæti skrifað ritgerð um hvað hún sé sæt, góð og skemmtileg en þar sem ég er latari/bældari en flestir aðrir ætla ég að sleppa því hér og þakka henni í staðinn opinberlega fyrir fyrsta árið okkar af mörgum. við náðum saman þökk sé nútima tækni, "illa" hönnuðu lyklaborði á sony-ericsson síma, menningarnótt 2005 og jú, einskæri heppni af minni hálfu sem ég hugsa oft til á næturnar þegar ég þarf að vernda hana gegn vondum snjóköllum og öðrum óværum sem virðast ekki vilja láta hana í friði........ alveg eins og ég.

.....þá er mar kominn úr vókfríinu og er þetta það helsta sem gerst hefur:

tók 2 vikna frí(frá vinnu), byrjaði með að fara í viku með b í bústað í góðu yfirlæti, þótt gamanið hafi verið aðeins of mikið fyrsta kvöldið fyrir gamla hafði ég náð góðum bata þegar leiðin lá seinni vikuna til krít(ar), satt best að segja leist mér ekki alveg á blikuna fyrst þegar tók á móti okkur úr vélinni 'krítisk' kvenkyns official með allt of stórt ego og allt of stór sólgleraugu sem leiddi túristana(í hitasjokki) eins og búfénað í rútunar. Batnaði samt ástandið fljótlega um leið og komið var út úr tollinum, þegar ég kannaðist við fyrsta andlitið sem ég sá sá, var þar mætt guðrún erla, frænka bræðrana úr keiló sem ásamt félögum sáu um farastjórn. Við reyndar nýttum okkur farastjórnina lítið enda eins og alltaf líður okkur best að stjórna ferðinni sjálf. Dvölin var mjög góð, mikið borðað, drukkið og slakað á. Reyndar kom mér á óvart standardinn á öllu þarna(fyrir utan þröngar lagnir sem þýðir engan klósett pappir í klósettið) og ekki spillti veðrið fyrir,hitinn var milli 40 og 50 stig og sól frá morgni til kvölds, b varð fagurbrún en ég varð einkennilega spotty, hefði þurft aðra viku sko.....

status a kleppsvegi 86b er:
það er m.a komið steypt gólf sem er jú áfangi og öll hurðagöt líka, búið er að panta glugga og hurðir svo leit meira að segja píparinn við í gær.... næstu skref eru að skera fyrir gluggum og að flota gólfið...

ný maiden plata er kominn út í fyrsta sinn sem maiden lenda á billboard top 10 listanum, gott stuff og kikka 'strákanir' meira að segja aðeins meiri butt núna en oft áður(y)

zniffz, Schu erað hætta eftir þetta tímabil(n) , spurning hvort það verði til þess að maður hætti að fylgjast með sportinu eða haldi bra með kimi í staðinn

OG vegna óvæntrar pressu ætlar ég að gera nytt ofur vók fyrir áramót, verður það þannig úr garði gert að þeir sem hafa áhuga geti fengið sér sitt eigið vók u lucky ppl....

þangað til næst....

í dag er lengsti dagur ársins og þykir það mér tilefni til að bæta við færslu(kredit t) þótt ekki sé nú mikið að frétta,nema búið er að grafa út herbergið niðri(kredit listi birtist síðar) en þar sem það var smá klöpp undir rauðhólaefninu þarf að taka af henni áður en lengra verður haldið með framkvæmdir:s

annað var það ekki nema nýr msn messenger 8/ messenger live er kominn út með gagnlegum offline message fíduz, mæli með því.... (y)

Mar varð nú að setja inn færslu á þessum degi, mikið búið að gerast síðan síðast,halldór að hætta í stjórnmálum(y), byrjað að grafa út herbergið á neðri hæðinni með hjálp vina og ættingja(y) og svo vann finnland verðskuldað í eurovision, nú get ég ekki beðið eftir næsta ári þegar allir koma með glys monster rokk atriði(y)

---

eitt kalt vorkvöldið var ég að skreppa í vinnunna og þar sem ég er að leggja kem ég auga á mann skögrandi upp klapparstíginn með stefnuna á sirkus með hönd í fatla og auðsjáanlega illa farinn eftir eitthvað, eftir nokkrar sek. átta ég mig á að þetta var gamli vinur minn hann gylfi(kimono, opus dei), kominn til landsins greinilega efir útrásina, fyrstu viðbrögð mín urðu auðvitað að fá hláturskast á meðan hann beið þolinmóður eftir að fá að útskýra að hann hafði lent í hörðum árekstri á reykjanesbraut þennan sama dag og bætti við í lokinn að sér findist athyglisvert að viðbrögð íslendinga hefðu öll verið eins á meðan útlendingar hefðu verið sýnt sér ekkert nema samúð..........
hér er svo frásögnin af slysinu mbl style:

Innlent | mbl.is | 22.5.2006 | 16:38
Níu fluttir á sjúkrahús eftir árekstur á Reykjanesbraut Tvær fólksbifreiðar skullu saman á Fitjum í Njarðvík í dag. Átta voru í annarri bifreiðinni og í hinni þrír. Sú sem ók austur Reykjanesbraut beygði í veg fyrir hina bifreiðina sem ók vestur Reykjanesbraut. Áreksturinn var mjög harður, níu voru fluttir á sjúkrahús í Keflavík og Reykjavík til aðhlynningar. Meiðsl virðast við fyrstu sýn ekki vera alvarleg en þó var einn væntanlega viðbeinsbrotinn.